بقلم الشاعر/اسكندر عوض
نايم في بيتي سمعت صوت قال عطيه
قلت مين قال كهربا وصوت وراه قال ميه
فتحت الباب وقلت كام قال 200 والتاني قال 300
قلت دي فواتير كهربا وميه ولا ديون عليه
قالو هتدفع يا عطيه ولا نشيل العدادات ديه
بصيت في شريط القبض لاقيته 1300
قلت راح 500 فاضل 800
هايكفو الشهر زعلان ليه يا عطيه
نحمد ربنا وناكل فول وطعميه
راح ابني قالي عايز فلوس الدروس الخصوصيه
قلت حلو راح الفول فاضل بس الطعميه
ضحكت مراتي وقالت فاضل كام من القبض ياعطيه
ابتسمت وقلتلها فاضل كتير يا فوزيه
انا داخل انام اريح شويه الباب خبط تاني وقال عطيه
استر يارب افتحي انتي يا فوزيه
فتحت وقالت ماتخفش ده صاحبك زكريا
وسمعها بتقوله ماطعينش يازكريا
طلعت لاقيته بيمسح عينه في كم الجلابيه
ضحكت و قولتله هما زاروك بتوع الكهربا و الميا
معلش عملوا برضو كدة فيا
و ضحكنا و صوتنا علي و بقيننا نقول قفشاتا هستيريه
اققوله الويك اند ف شرم
يقولى لا ف اسكندريه
اقوله نروح بالطياره
يقولى لا السواق هيودينى بالعربيه
و قبل ما نبكى مشى زكريا
تصبح على خير يا زكريا
انا داخل انام يا فوزيه
داخل اريح شويه
و ياريت الباب ما يخبط تانى
ولا اسمع صوت يقول يا عطيه
قلت مين قال كهربا وصوت وراه قال ميه
فتحت الباب وقلت كام قال 200 والتاني قال 300
قلت دي فواتير كهربا وميه ولا ديون عليه
قالو هتدفع يا عطيه ولا نشيل العدادات ديه
بصيت في شريط القبض لاقيته 1300
قلت راح 500 فاضل 800
هايكفو الشهر زعلان ليه يا عطيه
نحمد ربنا وناكل فول وطعميه
راح ابني قالي عايز فلوس الدروس الخصوصيه
قلت حلو راح الفول فاضل بس الطعميه
ضحكت مراتي وقالت فاضل كام من القبض ياعطيه
ابتسمت وقلتلها فاضل كتير يا فوزيه
انا داخل انام اريح شويه الباب خبط تاني وقال عطيه
استر يارب افتحي انتي يا فوزيه
فتحت وقالت ماتخفش ده صاحبك زكريا
وسمعها بتقوله ماطعينش يازكريا
طلعت لاقيته بيمسح عينه في كم الجلابيه
ضحكت و قولتله هما زاروك بتوع الكهربا و الميا
معلش عملوا برضو كدة فيا
و ضحكنا و صوتنا علي و بقيننا نقول قفشاتا هستيريه
اققوله الويك اند ف شرم
يقولى لا ف اسكندريه
اقوله نروح بالطياره
يقولى لا السواق هيودينى بالعربيه
و قبل ما نبكى مشى زكريا
تصبح على خير يا زكريا
انا داخل انام يا فوزيه
داخل اريح شويه
و ياريت الباب ما يخبط تانى
ولا اسمع صوت يقول يا عطيه
